عــــــذوب : وجبـــات أسعــارهــا خيــاليـــه ..(صــور)

السلام عليكم ورحمه الله وبركاته ..



جيتكم هالمره وجبت معي قائمة الأصل انها أغلى الوجبات مع اني ماشوف فيهن وجبات (مشكلة ما اسمى الوجبه وجبة الا ومعها بطاطس وببسي
ماشوف الا حلويات ..
خخخخخخخخخخخ
لكن ولا يهمكم نسميها اغلى الحلويات بالعالم
طبعاً كل وجبه أو كل صحن يميزه عن الثاني بشي وهو سبب غلاه الفاحش
يعني اكله بقيمة سيارة جداً عادي أو أكله بقيمة اجار بيت برضو جداً عادي وطبعاً كل اكله تبين وش اللي يميز فيها ومكان تواجدها سواء اسم الديره او المطعم ،،

تعالوا نشوف سوا


القطعة الاولى...



السعر $14,500
فندق القلعه .. في سيريلانكا
السبب .... حجر ماسي ازرق يقدم مع الكيكه .. واللي يطلبها يقدر ياخذ الالماس طبعا ...
بحسبة بسيطة ، وحولناها للريال يطلع لنا/ 54375 ألف ريال يعني قيمة سياره جديده
واذا نبي نحسبها حسبة شيبان نقول انها تجيب 54375 ألف كيس صامولي × 8 (لأن الكيس فيه 8 صاموليات على خبري مادري هو نقص ولالا)
يصير المجموع/ 435 ألف صامولية .. يعني يمديها تبدي قارة أفريقيا بكبرها
ولو نحسبها لذوي الأوزان الثقيلة عشاق الشاورما مع موجة الغلاء (يعني الشورما حاسبها بـ 3 ريال) كان تكفي 18125 سندشوشة شاورما..
ولو قلنا ان كل شخص تكفيه عدد 3 شاورمات.. كان عيشت 6041 آدمي
أو بحسبة راعين البروست، تبي تجيب لهم 5437 بروست سواء من الأفندي أو أو البيك أو غيره ..
يعني بالعربي وبالعامّي هالتحسبيات هذي أبين لكم أن قطعة الحلا هذي تعيّش قبيلة بكبرها



القطعه الثانية....



المطعم : Brûlée
السعر : $1,000
السبب ... بين كل لقمه والثانيه ... تبخ بخة من غرشة النبيذ الفاخر اللي مع الكيكه ..
ألف دورار يعني 3750 بالريال .. يعني لو نبي نقسمها على فطيرة لوزين بالجبن + عصير الربيع،، تدرون انها تعيّش 1875 آدمي ؟!
برضو تعيّش قبيلة ..

القطعه الثالثه...




المطعم : Serendipity 3 في نيويورك ..
السعر : $1,000
السبب : 23 قيراط من الذهب ... القابل للأكل ..
23 قيراط ذهب واكله ؟! لا تعليق بالباقي


القطعه الرابعه...




المكان : Mezzaluna في بانكوك
السعر : $200
السبب : استخدام نوع خمور نادر
الله اكبر يا مخلّط الشيخ يومه يصير نادر



القطعه الخامسه...



المكان : Knipschildt Chocolatier في نيويورك
السعر : $250 للحبه ... $6,000 للأوقيه .
السبب : يحتاج اعداده لمهاره ووقت .. ومايسوونه الا بالطلب ... <<< اخس
6000 دورار للأوقيه..<<< هذي يبي لها قعده ..
يمديها تجيب ياطويلين العمر والسلامه 2857 كيسة توست + 1428 جبن سايل كرافت الذهبي + 1000 عصير تروبيكانا (500 مشكل و500 بردقان عشان اللي مايبي يختار)



القطعه السادسه...




المكان : Pierre Hermé Patisserie في باريس
السعر : $176 للحبه
الغريب ماكتبوا عنهن شي.. لا يصيرن بس العبس من ذهب




القطعه السابعه...



المكان : المحاره في برج العرب
السعر : $48
اوه نسيت اشيل القرطاسه قبل التصوير <<< مسوي قد شافها على الحقيقة..


القطعه الثامنه...



المكان : The Waterside Inn في بريطانيا
السعر : $48


صراحه مليت وانا احسّب .. لكن انتم ناظروا الهبال وتحمدوا ربكم على العافيه
وكني اشوف ناس لو تحصل لهم يروح يدفع اللي ماوراه ودونه ويتسلف عشان يهايط يقول جربتها

مشكور ع الموضوع