غيابي وش يعني لك مـــدامه بأول اللحــظات
ابسأل وانتظر منك مكاني في اجاباتك
تكلم لاتعيشــني عــلى شط الامـــل بسـكــات
ابفهم ليش تتـركني بذكرى في معاناتــك
وبسأل ليش تسمعني انادي وانـــظم الابــيات
انادي ويــنها الدنيا تواســيــني عبــاراتك
غريــبه حالتك والله غريــب وضعنا بالـذات
يترجم صمت هالعالم وماضي في نهاياتك
نعم واحلف نعم انك سبب مجموعة الآهات
وسـبب حزن ٍ يراودني وذات الهم من ذاتك
انا هاليـــوم انا بنــسى غرام بيـننا قد فــات
ابدفن كل ذكـــرانا وصدق ايام ضـــحكاتك
اباخذ مابقى وارحل وانادي وينها البسمات
زمان الأمـــس ودعته وذاك الهــم بسكاتـك
خلاص اليوم ودعتك ولافيها بعد رجعات
قراري وافهـــمه مــني تهــنى في نهـاياتك
مدام ان الغياب اصلا تأكد بأول اللحظات
ابســـأل ليش تتركني افتــش في اجـــاباتك؟